أخر الأخبار

الملاحظ TV

رأي افتتاحية

إستطلاع الرأي

ماهو رأيكم في التقسيم الجهوي ؟

Loading ... Loading ...

ملاحظ الرأي

إعلان

القائمة البريدية

إشترك في قائمتنا البريدية ليصلك جديد الموقع .

حمل تطبيق الملاحظ الجهوي

الرئيسية » السليدر » قصيدة زجلية ساخرة : الرومانسية في المغرب….! 

قصيدة زجلية ساخرة : الرومانسية في المغرب….! 

  • بقلم أمينة حرارتي

ﺟﺎ ﺍﻟﺤﺎﺝ ﻣﻦ ﺍﻟﺨﺪﻣﺔ ﻓﺎﻟﻌﺸﻴﺔ !!
ﺩﻭْﺵ ﻭﯕﻠﺲ ﻳﺘﻔﺮﺝ ﻓﺎﻟﻤﻐﺮﺑﻴﺔ !!
ﺟﺎﺕ ﺍﻟﺤﺎﺟﺔ ﻭﺟﺎﺑﺖ ﺍﻟﺼﻴﻨﻴﺔ !!
ﺷﻲ ﻣﺴﻤﻨﺎﺕ ﻭﺑﻐﺮﻳﺮﺍﺕ ﻭﺯﻭﻳﺘﺔ ﺑﻠﺪﻳﺔ !!
ﻗﺎﻝ ﻟﻴﻬﺎ ﺯﻳﺪﻱ ﺯﻳﺪﻱ ﺩﺭﺗﻲ ﻣﺰﻳﺔ !!
ﺭﺍﻧﻲ ﺟﻴﻌﺎﻥ ﻭﺭﺑﻲ ﻟﻲ ﻋﺎﻟﻢ ﺑﻴﺎ !!
ﺍﻟﻠﻪ ﻳﺮﺿﻲ ﻋﻠﻴﻚ ﺍﻟﺤﺎﺟﺔ ﻭﻳﺨﻠﻴﻚ ﻟﻴﺎ !!
ﺷﺮﺑﻮ ﺃﺗﺎﻱ ﻭﻫﻀﺮﻭ ﺷﻮﻳﺔ !!
ﻭﻗﺎﻝ ﻟﻴﻬﺎ ﻧﻮﺿﻲ ﺷﻮﻓﻲ ﺑﻠﻐﺘﻲ ﻓﻴﻦ ﻫﻲ !!
ﻧﺨﺮﺟﻮ ﻧﺴﺮﺣﻮ ﺭﺟﻠﻴﻨﺎ ﺃﻧﺎ ﻭﻧﺘﻴﺎ !!
ﻫﻮ ﺩﺧﻞ ﻟﻠﺒﻴﺖ ﻳﺠﺒﺪ ﺍﻟﻨﺎﻱ !!
ﻭﻗﺎﻝ ﻟﻴﻬﺎ ﺻﺒﺮﻱ ﻫﺎﻧﻲ ﺟﺎﻱ !!
ﻭﻫﻲ ﻣﺸﺎﺕ ﺗﻐﺴﻞ ﺍﻟﻜﻴﺴﺎﻥ ﺩﻳﺎﻝ ﺃﺗﺎﻱ !!
ﻗﺎﻝ ﻟﻴﻬﺎ ﻣﺎﺩﻳﺮﻱ ﻭﺍﻟﻮ ﺯﯕﺎﻱ !!
ﺗﺎﻧﺠﻴﻮ ﻭﻧﻌﺎﻭﻧﻚ ﻓﻜﻠﺸﻲ ﻏﻲ ﺗﻬﻨﺎﻱ !!
ﻗﺎﻟﺖ ﻟﻴﻪ ﺷﻔﺘﻚ ﻭﻟﻴﺘﻲ ﺭﻭﻣﻨﺴﻲ ﻫﺎﻱ ﻫﺎﻱ !!
ﻭﻫﻮ ﻳﺠﺎﻭﺑﻬﺎ ﻣﺎﺷﻔﺘﻲ ﻭﺍﻟﻮ ﻏﻲ ﺳﺘﻨَّﺎﻱ !!
ﻣﻦ ﺍﻟﻴﻮﻡ ﻣﺎﻧﺘﺨﺎﺻﻤﻮ ﻣﺎﻧﺘﺨﺎﻟﻔﻮ ﻓﺎﻟﺮَّﺍﻱ !!
ﻧﻮﻓﺮ ﻟﻴﻚ ﯕﺎﻉ ﺩﺍﻙ ﺷﻲ ﻟﻲ ﺑﻐﻴﺘﻲ ﻭﻛﺎﺗﻤﻨَّﺎﻱ !!
ﻭﺇﻻ ﺑﻐﻴﺘﻲ ﻏﺪﺍ ﻧﺪﻳﻚ ﻟﻠﻤﺪﻧﻴﺔ ﻧﺸﺮﻱ ﻟﻴﻚ ﺍﻟﺮﺍﻳﺐ
ﻭﺍﻟﻤﻴﻔﺎﻱ !!
ﻃﻠﻌﻮ ﺍﻟﻤﻜﻲ ﻭﺍﻟﺴﻌﺪﻳﺔ ﻟﻠﺠﺒﻞ !!
ﺧﻄﻮﺓ ﺧﻄﻮﺓ ﻏﺎﺩﻳﻦ ﺑﺎﻟﻤﻬﻞ !!
ﺍﻟﺮﺑﻴﻊ ﻭﺍﻟﻮﺭﻭﺩ ﻣﻨﻈﺮ ﻳﻬﺒّْﻞ !!
ﺍﻟﻤﻜﻲ ﻭﻻ ﺷﺎﻋﺮ ﻣﻦ ﻭﺻﻞ !!
ﻭﺍﺧﺎ ﻣﺎﺑﻘﺎﺕ ﻋﻨﺪﻭ ﺻﺤﺔ ﻋﻴﺎ ﻭﻓﺸﻞ !!
ﺑﺪﺍ ﻳﺸﻌﺮ ﻭﻳﻘﻮﻝ ﻛﻠﻴﻤﺎﺕ ﻓﺸﻜﻞ !!
ﻗﺎﻝ ﻟﻠﺤﺎﺟﺔ ﻛﺎﻧﺒﻐﻴﻚ ﻧﺘﻲ ﺍﻟﺮﻭﺡ ﻭﻧﺘﻲ ﺍﻟﻌﻘﻞ !!
ﻭﻫﻲ ﺗﻘﻮﻝ ﻟﻌﻦ ﺍﻟﺸﻴﻄﺎﻥ ﻳﺎ ﻫﺎﺩ ﺍﻟﺮﺍﺟﻞ !!
ﻛﻮﻥ ﺗﺤﺸﻢ ﺭﺍﻙ ﺣﺸﻤﺘﻴﻨﻲ ﻳﻌﻄﻴﻚ ﺍﻟﺬﻝ !!
ﻭﻟﻜﻦ ﻛﻠﻤﺔ ﻧﺒﻐﻴﻚ ﺧﺮﺟﺎﺕ ﻣﻦ ﻓﻤﻚ ﺑﺤﺎﻝ ﺍﻟﻌﺴﻞ !!
ﻗﺎﻝ ﻟﻴﻬﺎ ﺣﻄﻲ ﺭﺍﺳﻚ ﻋﻠﻰ ﻛﺘﺎﻓﻲ !!
ﻭﻳﺎ ﺍﻟﺴﻌﺪﻳﺔ ﺑﻐﻴﺘﻚ ﺗﻌﺮﻓﻲ !!
ﺭﺍﻧﻲ ﻧﺒﻐﻴﻚ ﺑﺎﻟﻘﻠﺐ ﺍﻟﺼﺎﻓﻲ !!
ﻣﺎﺣﺪﻙ ﻣﻌﺎﻳﺎ ﻣﺎﻋﻤﺮﻙ ﺗﺨﺎﻓﻲ !!
ﻟﻲ ﻗﺮﺏ ﻟﻴﻚ ﻧﺸﻌﻞ ﻓﻴﻪ ﺍﻟﻌﻮﺍﻓﻲ !!
ﻋﻠﻰ ﻗﺒﻠﻚ ﻧﻜﺘﺐ ﺍﻟﺸﻌﺮ ﻭﻧﺪﻳﺮ ﺍﻟﻘﻮﺍﻓﻲ !!
ﺇﻻ ﻣﺮﺿﺘﻲ ﻧﺤﻄﻚ ﻓﺎﻟﺤﻀﻦ ﺍﻟﺪﺍﻓﻲ !!
ﻭﻧﻜﻮﻥ ﻟﻴﻚ ﺃﻧﺎ ﺩﻭﺍﻙ ﺍﻟﺸﺎﻓﻲ !!
ﻧﻌﻴﺸﻮ ﺑﺠﻮﺝ ﻭﺧﺎ ﻏﻲ ﺏ ﺃﺗﺎﻱ ﻭﺍﻟﺨﺒﺰ ﺍﻟﺤﺎﻓﻲ !!
ﻗﺼﺔ ﺣﺒﻨﺎ ﻏﺎﺩﻱ ﻳﻜﺘﺒﻮﻫﺎ ﻓﺎﻟﺨﻨﻴﺸﺎﺕ ﺩﻳﺎﻝ ﻧﻴﺴﻜﺎﻓﻲ
قالت ليه جيني من الاخر وقول اش باغي
قال ليها بغيت الموافقة راني بغيت نتزوج عوتاني.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *